المكي بنعمار : أنا ، القاضي الّي انتصر للزّوّالي و تصدّى للفساد ، ردّيتوني مريض ومختل وعميل ! ؟

جاء في تدوينة نشرها يوم 24 افريل 2017 على صفحته الفايسبوكية الرسمية القاضي الموقوف عن العمل دون وجه حق السيد المكي بنعمار ما يلي :" مايسالش يا مواطن يا خسيس ... مايسالش ... يمين البكّوش في صدرو ... زيدوا سبّوني يا مواطنين و عايروني و تشمتوا فيّ ... بدوها المحامين كملوها أنتم ... أما اعرفوا إني ولّيت عبد آخر ومشاعري تجاهكم تقلبت من النقيض للنقيض بعد ما عرفتكم على حقيقتكم في ازمتي ... ولّي ما تعرفوشوا أنو كل حاكم عندو زوز وجوه ... و أنا مازلت حاكم وتتشوفوا وجهي الخايب الّي ماتعرفوشوا ... أنا مازلت حاكم ... مانيش معزول كيما البعض باقيين يروجوا ... لأنو من جهلهم ما يفرقوش بين العزل والإيقاف عن العمل ...؟ أنا لا هزّيت لا رشوة ولا خنت وباش نرجع لخدمتي على أكتاف الّي خرجوني منها ... و حتى كان مارجعتش ، بشهايدي مانيش باش نضيع ... ابكوا أنتم على رواحكم يا جهلة يا توانسة يا معدن النفاق يا شعب الكورة و الفيس بوك ...؟ الشرفاء الكل كرهوكم وولّوا ضدكم بعد ما عرفوكم عل حقيقتكم ... والنخبة الكل من أول تاريخكم ردّيتوهم مهبلة ومرضى ومرتزقة ... الطاهر الحداد ردّيتوه زنديق ومجنون ...؟ الزعيم بورقيبة ردّيتوه كافر و عنّين ( معناها مخصي يا جهّال ) ...؟ الدكتور المنصف المرزوقي ردّيتوه مهبول ..؟. محمد ناعم الحاج منصور الّي قاوم الفساد وانتصر للمقهورين ردّيتوه فاسد وسمسار ...؟ أنا ، القاضي الّي انتصر للزّوّالي و تصدّى للفساد ، ردّيتوني مريض ومختل وعميل ! اش مازال... ؟
أنا مانيش باش نغفرهالك يا مواطن يا خسيس ... يا حقير ... مانيش باش نغفرهالك ... إذا بقيّة الشرفاء يسامحوا أنا ما نسامحكش ...؟ وما يغركمش الّي أنا فيه يا توانسة يا منافقين ... ياما ناس كانت في الحبوسات تستنّى في الحكم بالإعدام وبعد جعلّلهم ربّي أسباب وفرّج عليهم وولّوا توّا يحكموا فيكم ...؟ و ما ذلك على الله بعزيز .
اللهم اجعل دعوتي فيهم كدعوة نوح في قومه بحرمة هذا الشهر الحرام وبحرمة محمد وآل محمد" .